اريد احجي بس خايف من الاستاد والاستادة
خلوني اليوم اسولف سوالف مال مو خوش وادم.
صارلنة جم يوم والدنية مكلوبة على هذا المسيجين الي يريد يخرب اخلاقنة واخلاق الشعب العراقي كله.
واحنة مثل ماتعرفون مؤدبين وحساسين وكلش نستحي.
وهذا الرجال ماله حل غير نحطة بساحة التحرير وانخلي الزاملي يعدمه.
يو مثل ماكال الاستاد الفاضل نقسم المجتمع طبقيا ونذّبه للرجال بالسرداب(وية الشعب)ويضل الاستاد يكركع ثقافة فوك راسنة لو بالسطح.
الي مو عراقي مايكدر يفهم شني السالفة.
من زمان كلش اذا واحدنة شم ريحة واحد امورة مشت والله اتفضل عليه بعد مانكدر انّام بالليل.
وراهه راح تسمع واحد يكول عمي هاي سوالف ميتة وحجي فارغ.
راح يكول همينة ترة عيب كدام العالم تخلون هاي النمايم بيناتنه....ترة العالم اكلت وجوهنه.
يابة هو هم بقى عيب ماسويناه مو شلنة البلد بكبرة وبعناه وبعدنة لسانة طويل.
هو اكو عيبة اكبر من كلاوجية الشعب بالبرلمان الي يدافعون عن ايران.
عاد استادة جبيرة هددت الزاملي يو يذب الجماعة بالشارع يو تشيل جنطتهه واتسافر لامريكا.
يكولون ذاك اليوم قرت سطرين لمشيط هبط ضغطتها واجتهه اغماءة ماكعدت اله لمة شمت ريحة جيز بيرغر من مكدونالد.
يمة شلون مصيبة الزاملي يحمي الكاتبات النسوان شراح يخلصني .....يمكن الليلة ابات بالشارع.
طبعا اخواني هذا الحدث حيل جبير يعني لو رحلت شراح يصير بينة....هسه احنة هم مو مهم......شراح يصير بمستقبل العراق.
اكول كلكم فوك راسي وخادم صغير عدكم اني بس شني سالفة كلمن حجالة حجايتين اتصور نفسة طفه الشمس بكلاص ماي وكعد بمكانها وباجر يزعل علينة وشيخلصنة.
طبعا بدل ماكل واحد من عدنة متعب نفسه فلان هيجي كتب وذاك هيجي كال خلوا الناس اتكول الي تريدة والناس هيه الحكم وكافي استعلاء واصدار احكام فلان ممكن وعلان مايفتهم.
والله ياخضير ياطاهر انا ماخايف عليك من الحكومة العراقية ولا من الايرانيين لا والله خايف عليك من كتاب كتابات لا واحدهم يحطلك عبوة ناسفة جوة المخدة ليش ان الزاملي كله يحط اسمك اول واحد.....خضير اذا متت دزلي فيزا لامريكا حتى اعزي بيك.
هم استاد ثاني يكول صاحبنة بس يهين الرموز كلشي ماعندة بعد.....لعد ليش تقشمرونة واتكولون صدام مات.....انا فكيت عيوني على هذا الرمز....هسه شوية الرموز فرّخت وكثر عددهم.....يعني مسبة الرموز هي الي متعبتك....بشرفك بدينك بمذهبك هو اكو مسبة اقذر واشنع من اسماء واشكال هل الرموز.
هاي الليلة ماراح اتفوت سلامات......اكو ناس احساسهه الرجيج انجرح وجاي ينزف هسه وماكو اسعاف واكو ناس ضاع بصرهه وسمعهه من تاثير الصدمة وقسم تخبلت لان الجماعة من جزر الكناري وشغلتهم اهناك عصافير كناري بس اتحب واتغني......يعني همة مو مثلنة عراقيين واحدنة من يغازل وحدة يضربهه جلاق ومن يريد يتقشمر وية صويحبة يطكة بفد فشرة جبيرة فليش هل المبالغة وهل الضجة الي مو بمحلهه.
الكتابة جوهر واسلوب ومهما اختلف راينا حول الاسلوب ان كان لائقا او لا فان الجوهر يبقى الاهم واذا كانت عدم لياقة الاسلوب حسب راي البعض عاملا مساعدا وربما مهما جدا في ايصال الجوهر(الذي هو صحيح ومفيد)لاكبر عدد ممكن من ابناء الداخل يكون مبرر التجاوز مقبولا ومعقولا بل ومرحبا به.
ليس مهما ان يكتب الشاعر الفلاني والاديب العلاني الشهيران الرائعان المتمكنان قصيدة او مقالا لن يقرأهما غير النخبة وان يتحول هذا الانجاز لمنجز اخر يقترب من ان يكون شخصيا لاغير بل عليك ان تعرف جمهورك وان تتقرب منهم بالاسلوب الملائم لايصال الرسالة الصحيحة المطلوبة .
الموقع سياسي بالدرجة الاولى وهو موقع غير رسمي وكتابه احرار بارائهم والقيادة الدكتاتورية التي طالبت بها احدى الكاتبات الجليلات تصلح لادارة قناة فضائية على شاكلة العراقية كيلا يتعب احدنا نفسه بالحرص على متابعة الموقع والمعنيون كثيرا باللغة بامكانهم التوجه للقسم الثقافي الذي يقراه النخبويون والمتخصصون.
في العراق قرأ العراقيون لشلش ويقرأون الان لمشيط والشاعر الزعلان والمكموع اولا ومن ثم لثلاثة او اربعة اشخاص اخرين(لست منهم) فاكتبوا شعرا او قصيدة نثر(اعتبرها نثرا برغم التسمية الخادعة) فالمهم من سيقرأ وهل ستصل الرسالة ام الهدف رقم المقال في ارشيف الكاتب.
samialrubaiee@msn.com
صارلنة جم يوم والدنية مكلوبة على هذا المسيجين الي يريد يخرب اخلاقنة واخلاق الشعب العراقي كله.
واحنة مثل ماتعرفون مؤدبين وحساسين وكلش نستحي.
وهذا الرجال ماله حل غير نحطة بساحة التحرير وانخلي الزاملي يعدمه.
يو مثل ماكال الاستاد الفاضل نقسم المجتمع طبقيا ونذّبه للرجال بالسرداب(وية الشعب)ويضل الاستاد يكركع ثقافة فوك راسنة لو بالسطح.
الي مو عراقي مايكدر يفهم شني السالفة.
من زمان كلش اذا واحدنة شم ريحة واحد امورة مشت والله اتفضل عليه بعد مانكدر انّام بالليل.
وراهه راح تسمع واحد يكول عمي هاي سوالف ميتة وحجي فارغ.
راح يكول همينة ترة عيب كدام العالم تخلون هاي النمايم بيناتنه....ترة العالم اكلت وجوهنه.
يابة هو هم بقى عيب ماسويناه مو شلنة البلد بكبرة وبعناه وبعدنة لسانة طويل.
هو اكو عيبة اكبر من كلاوجية الشعب بالبرلمان الي يدافعون عن ايران.
عاد استادة جبيرة هددت الزاملي يو يذب الجماعة بالشارع يو تشيل جنطتهه واتسافر لامريكا.
يكولون ذاك اليوم قرت سطرين لمشيط هبط ضغطتها واجتهه اغماءة ماكعدت اله لمة شمت ريحة جيز بيرغر من مكدونالد.
يمة شلون مصيبة الزاملي يحمي الكاتبات النسوان شراح يخلصني .....يمكن الليلة ابات بالشارع.
طبعا اخواني هذا الحدث حيل جبير يعني لو رحلت شراح يصير بينة....هسه احنة هم مو مهم......شراح يصير بمستقبل العراق.
اكول كلكم فوك راسي وخادم صغير عدكم اني بس شني سالفة كلمن حجالة حجايتين اتصور نفسة طفه الشمس بكلاص ماي وكعد بمكانها وباجر يزعل علينة وشيخلصنة.
طبعا بدل ماكل واحد من عدنة متعب نفسه فلان هيجي كتب وذاك هيجي كال خلوا الناس اتكول الي تريدة والناس هيه الحكم وكافي استعلاء واصدار احكام فلان ممكن وعلان مايفتهم.
والله ياخضير ياطاهر انا ماخايف عليك من الحكومة العراقية ولا من الايرانيين لا والله خايف عليك من كتاب كتابات لا واحدهم يحطلك عبوة ناسفة جوة المخدة ليش ان الزاملي كله يحط اسمك اول واحد.....خضير اذا متت دزلي فيزا لامريكا حتى اعزي بيك.
هم استاد ثاني يكول صاحبنة بس يهين الرموز كلشي ماعندة بعد.....لعد ليش تقشمرونة واتكولون صدام مات.....انا فكيت عيوني على هذا الرمز....هسه شوية الرموز فرّخت وكثر عددهم.....يعني مسبة الرموز هي الي متعبتك....بشرفك بدينك بمذهبك هو اكو مسبة اقذر واشنع من اسماء واشكال هل الرموز.
هاي الليلة ماراح اتفوت سلامات......اكو ناس احساسهه الرجيج انجرح وجاي ينزف هسه وماكو اسعاف واكو ناس ضاع بصرهه وسمعهه من تاثير الصدمة وقسم تخبلت لان الجماعة من جزر الكناري وشغلتهم اهناك عصافير كناري بس اتحب واتغني......يعني همة مو مثلنة عراقيين واحدنة من يغازل وحدة يضربهه جلاق ومن يريد يتقشمر وية صويحبة يطكة بفد فشرة جبيرة فليش هل المبالغة وهل الضجة الي مو بمحلهه.
الكتابة جوهر واسلوب ومهما اختلف راينا حول الاسلوب ان كان لائقا او لا فان الجوهر يبقى الاهم واذا كانت عدم لياقة الاسلوب حسب راي البعض عاملا مساعدا وربما مهما جدا في ايصال الجوهر(الذي هو صحيح ومفيد)لاكبر عدد ممكن من ابناء الداخل يكون مبرر التجاوز مقبولا ومعقولا بل ومرحبا به.
ليس مهما ان يكتب الشاعر الفلاني والاديب العلاني الشهيران الرائعان المتمكنان قصيدة او مقالا لن يقرأهما غير النخبة وان يتحول هذا الانجاز لمنجز اخر يقترب من ان يكون شخصيا لاغير بل عليك ان تعرف جمهورك وان تتقرب منهم بالاسلوب الملائم لايصال الرسالة الصحيحة المطلوبة .
الموقع سياسي بالدرجة الاولى وهو موقع غير رسمي وكتابه احرار بارائهم والقيادة الدكتاتورية التي طالبت بها احدى الكاتبات الجليلات تصلح لادارة قناة فضائية على شاكلة العراقية كيلا يتعب احدنا نفسه بالحرص على متابعة الموقع والمعنيون كثيرا باللغة بامكانهم التوجه للقسم الثقافي الذي يقراه النخبويون والمتخصصون.
في العراق قرأ العراقيون لشلش ويقرأون الان لمشيط والشاعر الزعلان والمكموع اولا ومن ثم لثلاثة او اربعة اشخاص اخرين(لست منهم) فاكتبوا شعرا او قصيدة نثر(اعتبرها نثرا برغم التسمية الخادعة) فالمهم من سيقرأ وهل ستصل الرسالة ام الهدف رقم المقال في ارشيف الكاتب.
samialrubaiee@msn.com
